monumenta.ch > Hieronymus > sectio 16 > sectio 21 > 22 > sectio 31 > sectio 12 > sectio 14 > sectio 13 > sectio 41 > sectio 710 > sectio 5 > sectio 566 > Malachias, 1 > uwbM.p.th.q.1a.147 > uwbM.p.th.f.68.251 > sectio 383 > sectio 8 > sectio 270 > sectio 4 > csg75.802 > sectio 37 > 13 > sectio 25 > sectio 15 > bnf17226.83 > sectio 17 > sectio 61 > sectio 189 > sectio 454 > sectio 318 > sectio 574 > sectio 11 > 304 > sectio 193 > csg51.262 > 3 > csg68.246 > sectio 7 > bsbClm6224.130 > sectio 5 > Ecclesiastes, 1 > uwbM.p.th.q.1a.32 > sectio 22 > bnf10439.255 r > sectio 25 > sectio 14 > 115 > sectio 24 > sectio 34 > Ioannes, 12 > sectio 46 > sectio 17 > sectio 458 > sectio 10 > sectio 14 > sectio > sectio 17 > bnf9389.372 > sectio 783 > bsbClm6224.29 > bnfGrec107.697 > sectio 627 > sectio 32 > sectio 4 > sectio 100 > sectio 227 > csg48.209 > sectio 494 > sectio 31 > bnf9389.269 > sectio 39 > sectio 360 > 6 > sectio 8 > sectio 17 > sectio 27 > sectio 17 > sectio 19 > bnf10439.49 v > sectio 34 > sectio 14 > bnf9389.447 > sectio 24 > sectio 8 > sectio 26 > sectio 21 > sectio 22 > sectio 15 > sectio 24 > sectio 3 > bnf11947.81 v > bnf10439.46 r > sectio 5 > sectio 5 > sectio 7 > sectio 22 > sectio 2 > sectio 19 > sectio 18 > Deuteronomium, 21 > sectio 149 > uwbM.p.th.f.68.108 > csg48.390 > sectio 559 > sectio 22 > sectio 21 > sectio 767 > sectio 24 > 2 > sectio 703 > csg48.225 > Petri I, 4 > csg75.523 > 6 > sectio 632 > csg68.84 > sectio 51 > uwbM.p.th.f.68.195 > sectio 15 > sectio 586 > sectio 1 > sectio 13 > sectio 6 > sectio 381 > sectio 170 > Ioannes, 5 > uwbM.p.th.f.68.336 > sectio 17 > Lucas, 4 > sectio 526 > sectio 38 > sectio 9

Word Selection for Searching

Report an Error in this Sectio
Hieronymus, Epistulae, 4, 116, 9
'Attende obsecro ipsa verba Iacobi: Vides, inquit, frater quot millia sunt in Iudaea, qui crediderunt in Christum: et hi omnes aemulatores sunt Legis. Audierunt autem de te, quia discissionem doces a Moyse, eorum qui per gentes sunt Iudaeorum, dicens non debere circumcidere eos filios suos, neque secundum consuetudinem ingredi. Quid ergo est? Utique oportet convenire multitudinem; audierunt enim te supervenisse: hoc ergo fac quod tibi dicimus. Sunt nobis viri quatuor votum habentes super se: his assumptis sanctifica te cum ipsis, et impende in eos ut radant capita: et scient omnes quia quae de te audierunt falsa sunt; sed sequeris et ipse custodiens Legem, de gentibus autem qui crediderunt, nos mandavimus, iudicantes nihil eiusmodi servare illos, nisi ut se observent ab idolis immolato, et a sanguine, et a fornicatione . Non, ut opinor, obscurum est, et Iacobum hoc ideo monuisse, ut scirent falsa esse quae de illo audierant, hi qui cum in Christum ex Iudaeis credidissent, tamen aemulatores erant Legis, ne per doctrinam Christi, velut sacrilega, nec Deo mandante conscripta damnari putarentur, quae per Moysen patribus fuerant ministrata: hoc enim de Paulo iactaverant non illi qui intelligebant quo animo a Iudaeis fidelibus observari tunc ista deberent, propter commendandam scilicet auctoritatem divinam, et sacramentorum illorum Propheticam sanctitatem, non propter adipiscendam salutem, quae iam in Christo revelabatur, et per baptismi sacramentum ministrabatur; sed illi hoc de Paulo sparserant, qui sic ea volebant observari, tanquam sine his in Evangelio salus credentibus esse non posset. Ipsum enim senserant vehementissimum gratiae praedicatorem, et intentioni eorum maxime adversum, docentem, non per illa hominem iustificari, sed per gratiam Iesu Christi, cuius praenuntiandae causa, illae umbrae in Lege mandatae sunt. Et ideo ille invidiam et persecutionem molientes concitare, tanquam inimicum legis mandatorumque divinorum criminabantur: cuius falsae criminationis invidiam congruentius: devitare non posset, quam ut ea ipsa celebraret, quae damnare tanquam sacrilega putabatur; atque ita ostenderet, nec Iudaeos tunc ab eis tanquam a nefariis prohibendos, nec gentiles ad ea tanquam ad necessaria compellendos.'